გოგი წულაია 1000 ლარით დააჯარიმეს
მარიამ ახალკაცი
ქუთაისის საქალაქო სასამართლომ ბუჩქზე “ქართული ოცნების” ლიდერების გამოსახულებით ფოტოების ჩამოკიდება სამართალდარღვევად ცნო და “გაბედეს” შემდეგ, 1000 ლარით ამჯერად გოგი წულაია დააჯარიმა.
გოგი წულაია ჯარიმის გადახდას არ აპირებს და სასამართლოს გადაწყვეტილებას სააპელაციო სასამართლოში გაასაჩივრებს. მისი თქმით, ეს არის შერჩევითი სამართალი, რადგან კულტურული მემკვიდრეობის ძეგლის დაზიანების გამო “ქართული ოცნების” მხარდამჭერები არ დაუჯარიმებიათ.
შეგახსენებთ, 11 დეკემბერს “გაბედეს” აქტივისტებმა საპროტესტო პერფორმანსი ჩაატარეს და ფოტოების ნაძვის ხეზე დაკიდების სცადეს, რის უფლებაც არ მიეცათ. საბოლოოდ, ფოტოები ბუჩქებზე დაკიდეს.
მერიამ ჯარიმა 150-ე მუხლის მესამე ნაწილით გამოწერა, რაც კულტურული მემკვიდრეობის არეალში ნივთის თვითნებურად განთავსებას გულისხმობს.
