“ეს კონკურსი ფორმალობა იყო და თავიდანვე გადაწყვეტილია, ვინ გახდება გენერალური პროკურორი”
“საერთაშორისო გამჭვირვალობა – საქართველოს” აღმასრულებელი დირექტორი ეკა გიგაური მიიჩნევს, რომ პროცესი ფორმალურია, ხოლო ვინ გახდება გენერალური პროკურორი – გადაწყვეტილია.
“ეს კონკურსი ფორმალობა იყო და თავიდანვე გადაწყვეტილი არის, ვინ გახდება გენერალური პროკურორი. ბატონ შოთაძესთან დაკავშირებით საზოგადოებას ჰქონდა ბევრი კითხვის ნიშანი, ზუსტად სარალიძის საქმის გამოძიებასთან დაკავშირებით. დაახლოებით 30-მდე საქმეა, რომელთა დაკავშირებითაც ჩვენ გავაგზავნეთ წერილი პროკურატურაში და წერილი არ მიგვიღია. ჩვენ 2020-ში გვექნება ძალიან მნიშვნელოვანი არჩევნები, რა თქმა უნდა, ხელისუფლების მიზანი უნდა იყოს, რომ განსაკუთრებით ამ პერიოდში კითხვის ნიშნები არ არსებობდეს საგამოძიებო ორგანოების დამოუკიდებლობასთან დაკავშირებით,”- განაცხადა ეკა გიგაურმა.
