ლადო ბედუკაძე ოპონენტებს დებატებში იწვევს
მცხეთის მაჟორიტარობის კანდიდატი, არჩევნებიდან უკანონოდ მოხსნილი პარტია “ცენტრისტების” ერთ-ერთი ლიდერი, ამჟამად არჩევნებში პარტია ” სკპ- სტალინელების” სახელით მონაწილე ვლადიმერ ბედუკაძე ,
ამავე ოლქში რეგისტრირებულ კანდიდატებს საჯარო დებატებში იწვევს.
მის ამ განცხადებას უკვე გამოეხმაურა პარტია “პატრიოტთა ალიანსის” მაჟორიტარობის კანდიდატი კონსტანტინე მორგოშია.
– ” მოგიწოდებთ, მცხეთის N37 საარჩევნო ოლქში რეგისტრირებულ კანდიდატებს , პატივი ვცეთ ჩვენს ამომრჩეველს, მოვილაპარაკოთ, ნებისმიერ დროს შევიკრიბოთ წინასაარჩევნო აგიტაციისთვის კანონით განსაზღვრულ ადგილას- მცხეთის თეატრონის ტერიორიაზე და ცივილიზებულად,
ყოველგვარი პროვოკაციის, აგრესიის გარეშე საზოგადოებას გავაცნოთ ჩვენი ხედვები, პროგრამა, ვიდებატოთ, დავარწმუნოთ ამომრჩეველი ჩვენს უპირატესობაში. მერწმუნეთ, ეს იქნება უპრეცედენტო შემთხვევა ქართულ პოლიტიკაში.”- აცხადებს ბედუკაძე.