გატაცება მოხდა განსაკუთრებული სისასტიკით-ნინო ლომჯარია
ნინო ლომჯარიას თქმით არასრულწლოვანი გოგონას გატაცება მოხდა განსაკუთრებული სისასტიკით.
სახალხო დამცველის ნინო ლომჯარიას განცხადებას უცვლელად გთავაზობთ:
“გატაცება განსაკუთრებული სისასტიკით მოხდა. თვითმხილველთა თქმით, არასრულწლოვანს თავზე ტომარა ჩამოაცვეს. იგი წინააღმდეგობას უწევდა გამტაცებლებს და დახმარებას ითხოვდა, თუმცა ვერავინ დაეხმარა. სასწრაფოდ უნდა დადგინდეს გატაცებულის ადგილსამყოფელი და დააბრუნონ იგი თავის სახლში. სამწუხაროდ, ხშირ შემთხვევაში არაეფექტურია სამართალდამცავი ორგანოების რეაგირება. აუცილებელია დამნაშავეები კანონის სრული სიმკაცრით დაისაჯონ, რათა მაგალითი იყოს მათთვის, ვინც ჩვენს ქვეყანაში ადამიანთა გატაცების მახინჯ პრაქტიკას აგრძელებენ. შესაძლოა სხვადასხვა სცენარი გაავრცელონ, მაგრამ ჩვენ ზუსტად ვიცით, რომ გატაცება გოგოს ნების საწინააღმდეგოდ მოხდა”- განაცხადა ნინო ლომჯარიამ.
შეგახსენებთ, რომ პირი, რომელმაც არასრულწლოვანი გოგონა ქორწინების მიზნით გაიტაცა, უკვე დაკავებულია.
