გენერალური პროკურორის თანამდებობაზე მეორედ არჩეულმა ირაკლი შოთაძემ პარლამენტს მადლობა გამოჩენილი ნდობისათვის გადაუხადა, ჟურნალისტებს კი პროცესების აქტიურად გაშუქებისთვის.
“დიდი მადლობა მინდა გადავუხადო პარლამენტს და საპროკურორო საბჭოს მხარდაჭერისთვის, მადლობა ჟურნალისტებს აქტიური მონაწილეობისთვის,”- განაცხადა შოთაძემ.
შოთაძის თქმით, მისი საქმიანობის პრიორიტეტებზე მან საპროკურორო საბჭოზე უკვე ისაუბრა. გენერალური პროკურორის თქმით, უწყებაში ბევრი გამოწვევაა და ბევრი საქმეა გასაკეთებელი:
“რაც ვისაუბრე გასაუბრებაზე, ის იქნება პრიორიტეტები, არის ძალიან ბევრი გამოწვევა, ბევრი საქმეა გასაკეთებელი,”- აღნიშნა შოთაძემ.
შოთაძემ კომენტარი არ გააკეთა იმასთან დაკავშირებით, რომ გენერალურ პროკურორად მისმა დამტკიცებამ პროტესტის ფონზე ჩაიარა:
“ჩემი კომპეტენცია არ არის პოლიტიკური პროცესების შეფასება, ამ საკითხის შეფასებას არ ვაპირებ,” – აღნიშნა შოთაძემ.
