“აჭარელი ბიჭები დახოცეს ქუჩაში, ახალაიას გვარი ფიგურირებს ამ საქმეში…”

პარლამენტის თავმჯდომარის პირველი მოადგილე გიორგი ვოლსკი ე.წ. „ციხის ბუნტის“ საქმეზე ადამიანის უფლებათა ევროპული სასამართლოს გადაწყვეტილებას გამოეხმაურა.

„წინა ხელისუფლების პერიოდში უდანაშაულო ადამიანების ხოცვა-ჟლეტვის გამართლება მოხდა, რამდენადაც საზოგადოების მნიშვნელოვანი ნაწილი დაარწმუნეს, რომ თუ წესრიგი გინდა, მაშინ სიმკაცრეც უნდა გამოიჩინო. გახსოვთ ალბათ, ბოლო პერიოდის პროპაგანდაც ამას ემსახურებოდა. ჩვენ ხომ ვიცით, რაც ხდებოდა?! აჭარელი ბიჭები დახოცეს ქუჩაში. ახალაიას გვარი ფიგურირებს ამ საქმეში და ძველი კანონით რომ გვემოქმედა, ალბათ ისეთი მცირე სასჯელით ვერ გადარჩებოდა ვერცერთი. შეკრებითობა იქნებოდა იმის გარანტია, რომ ათეულ წლებს გაატარებდნენ ციხეში. თავად ციხის თემის გადაფარვა მოხდა. რომ ციხე იმ ადამიანების ადგილსამყოფელია, რომელიც ჩვენს საზოგადოებას აზიანებს“ – ამის შესახებ, პარლამენტის თავმჯდომარის პირველმა მოადგილემ, გიორგი ვოლსკიმ საზოგადოებრივი მაუწყებლის ტელეეთერში განაცხადა.

მისი თქმით, პატიმრების ნახევარზე მეტი c ჰეპატიტით იყო დაავადებული და არავინ ფიქრობდა მათთვის ემკურნალა.