“ამდენი პაციენტი ერთად კლინიკიდან ჯერ არ გაწერილა”
პირველ საუნივერსიტეტო კლინიკაში ბოლო 24 საათში გამოჯანმრთელებულ პაციენტებზე ჩატარებული ტესტების შედეგები უარყოფითია და დღეს რვა გამოჯანმრთელებული ეწერება, 17-მა კი შესაძლოა, ხვალ დატოვოს საავადმყოფო. აღნიშნული განცხადება ლევან რატიანმა გააკეთა. მისივე ინფორმაციით, ამ ეტაპზე კლინიკაში “კოვიდ 19” -ზე 90 პირი მკურნალობს.
“ყველაზე მეტად გვახარებს ის ფაქტი, რომ ამდენი პაციენტი არასდროს გაგვიწერია კლინიკიდან. ასევე პირველადი უარყოფითი პასუხები მოსულია დაახლოებით 17-ზე, ველოდებით განმეორებით ტესტის პასუხს, თუ ხვალ, განმეორებითი ტესტების შემთხვევაშიც 17-ივე პაციენტზე უარყოფითი პასუხი მოვიდა კლინიკას ყველა მათგანი დატოვებს.” – განაცხადა რატიანმა და აღნიშნა, რომ ამ ეტაპზე ჩატარებული კლინიკურ-ლაბორატორული კვლევებით, არც ერთ ამ პაციენტთან კლინიკური გამოვლინებები და პათოლოგია არ ვლინდება.