“მონოპოლია კარგ ადამიანებსაც ცუდი ქმედებებისკენ უბიძგებს!..”
დავით უსუფაშვილის თქმით, მეორე ტურში სერიოზულ ცვლილებას არ ელოდება, თუმცა აქვე აღნიშნავს, რომ არც უკეტესი საქართველოს იმედი აქვს და საფრთხესაც ხედავს:
-“მე ვერ ვიტყვი, რომ ჩვენ მივიღეთ უკეთესი საქართველო. დღეს ჩვენ გვესმის „ქართული ოცნების“ ბევრი წარმომადგენლის განცხადება, რომ რატომ შფოთავთ, ჩვენ ხომ ნორმალური ხალხი ვართ? მე მჯერა თითოეული მათგანის ინდივიდუალურად, მაგრამ მე ვგრძნობ ხიფათს მათი კოლექტიური ქმედებების გამო. მონოპოლია კარგ ადამიანებსაც ცუდი ქმედებებისკენ უბიძგებს.
მეორე ტურში სერიოზულ ცვლილებას არ ველოდები. მე არ ვამბობ, რომ ხვალიდან დაუწყება უბედურებები საქართველოში, მაგრამ იმას ნამდვილად ვამბობ, რომ ყველა დანარჩენმა მოქალაქემ უახლოესი წლების განმავლობაში უნდა გავაკეთოთ მაქსიმუმი, რომ ის სახიფათო ვითარება, რაც შეიქმნა, მინიმუმამდე დავიყვანოთ“ – განაცხადა უსუფაშვილმა.
