მოვუწოდებ მხარეებს, გააგრძელონ კეთილსინდისიერი მოლაპარაკებები, ახლა თუ არ იმუშავა დემოკრატიამ საქართველოში, არ ვიცი, როდის იმუშავებს – ჯიმ რიში
მოვუწოდებ ყველა მხარეს, გააგრძელონ კეთილსინდისიერი მოლაპარაკებები – ამის შესახებ აშშ-ის სენატის საგანგებო მოსმენაზე სენატორმა ჯიმ რიშმა განაცხადა.
“მმართველ პარტიას აკისრია განსაკუთრებული პასუხისმგებლობა. ეს კონფლიქტი აზიანებს დემოკრატიას და კარს უხსნის მოსკოვს. ჩვენი ელჩი, კელი დეგნანი მუშაობს, რათა გაამარტივოს მოლაპარაკებები. ახლა თუ არ იმუშავა დემოკრატიამ საქართველოში, მე არ ვიცი, როდის იმუშავებს. საქართველომ არ უნდა დაკარგოს ევროსტრუქტურებში გაწევრიანების შანსი”, – განაცხადა ჯიმ რიშმა.
