„პატრიოტთა ალიანსი“ დამატებით მანდატებს მოითხოვს
„პატრიოტთა ალიანსის“ ლიდერის დავით თარხან-მოურავის განცხადებით, მათ 6 მანდატზე მეტი ეკუთვნით და არ აპირებენ დათმობას, სწორედ ამიტომ პარტიის წარმომადგენლები გეგმავენ საკონსტიტუციო სასამართლოს შესაბამისი სარჩელით მიმართონ და დამატებითი მანდატები მოითხოვონ:
„ყველა პარტია, რომელიც დარჩა ბარიერს მიღმა, ვერ გადალახა ბარიერი, მათი პროცენტები უნდა განაწილდეს ახლა იმ პარტიებზე, ვინც შევიდა პარლამენტში. მხოლოდ ხელისუფლება და ნაციონალური მოძრაობა ინაწილებს რატომღაც ამ დარჩენილ 17 ადგილს, ჩვენ არ ვმონაწილეობთ იქ, რაც არასწორია. ჩვენ გავასაჩივრებთ საკონსტიტუციო სასამართლოში და დიდი იმედი მაქვს, რომ დროულად მოახდენს რეაგირებას და მიიღებს სწორ გადაწყვეტილებას, მაშინ ჩვენ 8 მანდატს მივიღებთ“ – განაცხადა დავით თარხან-მოურავმა.
