გაიგეთ, იქნება თუ არა სააღდგომოდ შეზღუდვები დაწესებული
აღდგომის დღესასწაულისთვის რაიმე კონკრეტული შეზღუდვების გეგმა დღეს არ არის, – ამის შესახებ ჯანდაცვის მინისტრის მოადგილემ, თამარ გაბუნიამ სამინისტროში გამართულ ბრიფინგზე განაცხადა.
„გადამწყვეტი იქნება მომდევნო კვირა, რადგან აღდგომის დღესასწაულამდე რჩება რამდენიმე კვირა იმისთვის, რომ ჩვენ ვნახოთ ეპიდემიოლოგიური მდგომარეობა როგორი იქნება.
ნებისმიერ შემთხვევაში ის, რაც არის ზოგადი წესები მსგავსი ტიპის ღონისძიებებზე ეკლესიებში დასაცავად, ხალხმრავლობის შემცირებისა და ასევე გარე სივრცის გამოყენების კუთხით, ეს ძალაში რჩება, მაგრამ მეტ კონკრეტიკას ცოტა მოგვიანებით შემოგთავაზებთ“, – განაცხადა თამარ გაბუნიამ.
ბოლო 24 საათის განმავლობაში საქართველოში კორონავირუსი კიდევ 897 ადამიანს დაუდასტურდა.
