ბაიდენი: პუტინს მკაფიოდ განვუცხადე, რომ მიუხედავად იმისა, რომ ესკალაციას არ ვცდილობთ, რუსეთის ქმედებებს შედეგები მოჰყვება
პრეზიდენტ პუტინს მკაფიოდ განვუცხადე, რომ მიუხედავად იმისა, რომ ესკალაციას არ ვცდილობთ, რუსეთის ქმედებებს შედეგები მოჰყვება, – ამის შეასხებ აშშ-ის პრეზიდენტმა, ჯო ბაიდენმა კონგრესში ყოველწლიური გამოსვლის დროს განაცხადა .
„მე პირდაპირ და პროპორციულად ვუპასუხე ჩვენს არჩევნებში რუსეთის ჩარევას და ჩვენს მთავრობაზე კიბერთავდასხმებს, მაგრამ ჩვენ ასევე შეგვიძლია ვითანამშრომლოთ, როდესაც ეს ჩვენს საერთო ინტერესებში შედის“, – აღნიშნა ჯო ბაიდენმა.
მისივე თქმით, ამერიკის მოწინააღმდეგეები მიიჩნევენ, რომ კონგრესზე თავდასხმა იმის მტკიცებულებაა, რომ ამერიკის დემოკრატიის დღეები დათვლილია.
„შეუძლია თუ არა ჩვენს დემოკრატიას გადალახოს სიცრუე, მრისხანება, სიძულვილი და შიში, რამაც ერთმანეთისგან დაგვაშორა? ამერიკის მოწინააღმდეგეები ფსონს დებენ, რომ ამას ვერ შევძლებთ. ისინი უყურებენ ბრბოს სურათებს, რომელიც თავს დაესხა კაპიტოლიუმს და ამას იმის მტკიცებულებად განიხილავენ, რომ ამერიკული დემოკრატიის დღეები დათვლილია. ისინი ცდებიან. ჩვენ უნდა დავამტკიცოთ, რომ ისინი ცხდებიან“, – განაცხადა ბაიდენმა.
