იქნება თუ არა აჩი არველაძე თბილისის მერობის კანდიდატი „გახარიას გუნდიდან” ? – რას პასუხობს არველაძე
ოპოზიციაში გადაბარგებული ყოფილი პრემიერ-მინისტრი გიორგი გახარია პარტიის დაფუძნებას აპირებს, თუმცა ჯერ თარიღი ზუსტი თარიღი უცნობია.
გავრცელებული ინფორმაციით შესაძლოა, აჩი არველაძეს გახარია თავისი გუნდიდან, თბილისის მერობის კანდიდატად განიხილავდეს. აღნიშნულ საკითხთან დაკავშირებით “ტვ პირველი“ აჩი არველაძის კომენტარს აქვეყნებს;
“არა, საერთოდ ახლოს არ ყოფილა ეგეთი თემა“, – ამბობს არველაძე. ხოლო კითხვას, ხედავს თუ არა ის თავს ამ პოსტზე (თბილისის მერის) ასე პასუხობს:
“თქვენ როგორ ფიქრობთ?! – ახლა, 50 წლის ასაკში… არ მიფიქრია მაგაზე. არ ვიცი, ვერაფერს გეტყვით საერთოდ, არ ყოფილა ეგეთი საუბარი. აქედან გამომდინარე, არანაირი სურვილი არ მაქვს, რომ მაგ თემაზე ვაკეთო კომენტარები“, – ამბობს არველაძე.
აღნიშნული მოსაზრება მას შემდეგ გაჩნდა, რაც აჩი არველაძემ ექსპრემიერთან ერთად გადაღებული ფოტოები სოციალურ ქსელში გამოაქვეყნა. “სტუმარი ჩვენს მოცვის ბაღებში“, – წერდა არველაძე.