“მოგიწოდებთ მიხვიდეთ არჩევნებზე და დააფიქსიროთ თქვენი არჩევანი”
„ქართული ოცნების“ აღმასრულებელმა მდივანმა ირაკლი კობახიძემ სპეციალური ბრიფინგი გამართა და მხარდამჭერებს სიმშვიდისკკენ მოუწოდა.
მან განაცხადა, რომ აქტივობა არის დაბალი და საჭიროა იაქტიურონ „ოცნების“ მხარდამჭერებმა.
-„დღეს უნდა გავამყაროთ გამარჯვება, ამიტომ მოგიწოდებთ მიხვიდეთ არჩევნებზე და დააფიქსიროთ თქვენი არჩევანი“.
რაც შეეხება ოთარ კახიძის მიერ გავრცელებულ ვიდეო-მასალას, კობახიძე ამბობს, რომ ეს არის “ცანიონალების” ხრიკი და მათ სურთ ამ უბანზე არჩევნების ჩაშლა, რისი საფუძველიც არ არსებობს.
შეგახსენებთ:
ერთიანი ნაციონალური მოძრაობის წევრის ოთო კახიძის თქმით, მარნეულის #50 საარჩევნო უბანზე დარღვევები ფიქსირდება.
მისი ინფორმაციით, აღნიშნულ უბანზე არ ამოწმებენ მარკირებას და, ასევე, კომისიის ერთ-ერთი წევრი ხსნის კონვერტებს და ამოწმებს, თუ ვისთვისაა ხმა მიცემული. კახიძის თქმით, ენმ-ის დამკვირვებლებისა და წარმომადგენლების მიერ დარღვევებზე რეაგირების შემდეგ ხელახალი კენჭისყრა ჩატარდა, რის შემდეგაც ენმ-ის წარმომადგენლები უბნიდან გააძევეს. იგი ცესკო-ს მომხდარზე დაუყონებლივ რეაგირებას სთხოვს. ცესკო ამ ინფორმაციას არ ადასტურებს.