„ქართული ოცნების“ ოფისთან აქცია მიმდინარეობს
პარტია “ქართული ოცნების” ცენტრალურ ოფისთან აქცია მიმდინარეობს, სადაც საფინანსო კომპანია საქართველოს მეანაბრეები არიან შეკრებილები. ისინი მმართველი პარტიისგან დახმარებას ითხოვენ. აქციის მონაწილეები ამბობენ, რომ უკვე 3 თვეა საფინანსო კომპანია საქართველოს მენეჯმენტი უარს ამბობს მათ წინაშე ნაკისრი ვალდებულებების შესრულებაზე, კერძოდ იმ თანხებზე, რომელიც საფინანსო კომპანიაში მეანაბრეებმა სარგებლის მიღების მიზნით განათავსეს.
აქციის მონაწილეების თქმით ჯამში 3 ათასამდე მოქალაქეა დაზარალებული, ხოლო ჯამური თანხა, რომელიც საფინანსო კომპანიას მართებს მეანაბრეების წინაშე, 30 მილიონ ლარს აღწევს.
“ოცნების” ოფისში კი პოლიტსაბჭოს სხდომა მიმდინარეობს.
