„მოგონებები დაბრუნებამდე…”, იმედი და მონატრება…
მწერალთა სახლში ქართველი პოეტისა და მწერლის ნაირა მარშანიას წიგნის „მოგონებები დაბრუნებამდე…” პრეზენტაცია გაიმართა.
წიგნი აფხაზურ-ქართულ ურთიერთობებს ეხება და შემრიგებლობითი ხასიათის მატარებელია.
ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, საზოგადო მოღვაწეები და ოჯახის წევრები ესწრებოდნენ.
წიგნის ავტორს საქართველოს მწერალთა კავშირის სახელით ნიკო ნიკოლაძის სახელობის პრემია გადაეცა.