„გთხოვთ, იქნებ დაუშვათ გამონაკლისი, დედა მყავს ინსულტგადატანილი” – 13 წლის მოზარდის წერილი თემურ მიქელაძეს

იმუნიზაციის ტექნიკურ მრჩეველთა ეროვნული ჯგუფის წევრი, პედიატრი თემურ მიქელაძე სოციალურ ქსელში 13 წლის მოზარდის წერილს აქვეყნებს.

“ამაღელვებელი მესიჯი უცნობი ბავშვისგან რომელსაც ყურადღების გარეშე ვერ დატოვებ (13 წლის მოზარდი)

გამარჯობათ ბატონო თემურ, მე ვარ ბავშვი რომელიც აქტიურადაა ჩართული კოვიდვაქცინაციის მხარდაჭერის პროპაგანდაში, ინფორმირებაში და მოსახლეობის დარეგისტრირებაში.

დედა მყავს ინსულტგადატანილი ვაქცინირებულიც სინოფარმის 1 დოზით, მაგრამ მეშინია რამე არ მივიტანო სახლში. გთხოვთ, იქნებ დაუშვათ გამონაკლისი და იმ თქვენს მიერ Pfizer-ით ვაქცინირებული მოზარდივით მეც ავიცრები, ესეც გახდება ერთ-ერთი რეკლამა საზოგადოებისთვის, თქვენი დიდი იმედი მაქვს პატივისცემით მადლობა!” – ნათქვამია თემურ მიქელაძის მიერ გავრცელებულ წერილში.

შეგახსენებთ, რამდენიმე დღის წინ, თემურ მიქელაძემ  განაცხადა, რომ მისი 13 წლის პაციენტი Pfizer-ის ვაქცინით აცრეს.

Login

Welcome! Login in to your account

Remember me Lost your password?

Lost Password