გურამ შარაძე-არ დავიწყება დიდი ერისკაცის სახელს!
რუსუდან შარაძემ მორიგი აქცია გამართა- გურამ შარაძის წიგნები უსასყიდლოდ უსახსოვრა იმ ადამიანებს,რომელთაც ბატონი გურამი და მისი შემოქმედება უყვარდა,უყვარს,აფასებს,ახსოვს,არ ივიწყებს.
მადლიერმა საზოგადოებამ მადლობა გადაუხადა რუსუდანს და არც სიყვარულის გამოხატვა დაივიწყა და არც უდიდესი პატივისცემისა ბატონი გურამისადმი.
-„დიდი მადლობა ყველას!
იყო დიდი სიხარული, სიყვარული, კურიოზებიც… ცოტა ჩხუბიც. იმ წუთას ვბრაზდები, თორემ განა, არ მიხარია, რომ მამაჩემის წიგნებზე ასეთი ამბავია. არ ეწყინოს არავის…
აკაკის 3 ტომი რომ დაბეჭდა (მეოთხე – „აკაკის სიკვდილი და დასაფლავება“ მკვლელობის შემდეგ გამოიცა), თვითონ მამაჩემი შინ აკითხავდა ხალხს და ჩუქნიდა. ისეთ ადამიანებს უთქვამთ ჩემთვის, რომ მკვლელობამდე, ცოტა ხნით ადრე, ჩემთან იყო, წიგნები მომიტანაო, რომ აქამდე მიკვირს – რამ მიიყვანა?
არ ვიცი, რას გრძნობდა, მაგრამ ვიცი, რომ გაგახარეთ, მამაჩემიც გავახარე და მეც მეტი რა მინდა?!
მიყვარხართ!“-წერს რუსუდან შარაძე სოციალურ ქსელში.