ექსკლუზივი: მიხეილ სააკაშვილი სხვა საპატიმროში გადაჰყავთ
საქართველოს მესამე პრეზიდენტი მიხეილ სააკაშვილი N18 დაწესებულებაში გადაჰყავთ. ამის შესახებ ადვოკატი ალექსანდრე კობაიძე ექსკლუზიურად “ჯიემთივისთან” საუბარში აცხადებს.
კობაიძის თქმით, სააკაშვილს სამკურნალოდ გადაიყვანენ.
“სააკაშვილს რუსთავის მე-12 დაწესებულებიდან მე-18-ში გადაიყვანენ. ეს დაწესებულება არის სამკურნალო დაწესებულება. პროცედურა უახლოეს საათებში უნდა დაიწყოს “- აცხადებს ალექსანდრე კობაიძე.
ცნობისთვის, მესამე პრეზიდენტი უკვე 22-ე დღეა შიმშილობს. გუშინ ექიმების მიერ კონსილიუმი შეიკრიბა და სააკაშვილის ჯანმრთელობაზე იმსჯელეს. როგორც ცნობილია გახდა ექსპრეზიდენტს მისივე თანხმობის შემთხვევაში სამკურნალოდ გადაიყვანდნენ.
შეგახსენებთ, რომ დღეს რუსთავის მე-12 დაწესებულებაში მიხეილ სააკაშვილს საზღვრის უკანონო კვეთის ფაქტზე ბრალი წარედგინა.
როგორც პროკურორმა ლევან ვეფხვაძემ განაცხადა, მიხეილ სააკაშვილს ბრალი 344-ე მუხლის პირველი ნაწილით წარედგინა.