დღე, რომელიც დიდი ასოებით ჩაიწერება საქართველოს ისტორიაში
სტოკჰოლმში ქართული ბიბლიოთეკა და „ქალთა საბჭოს“ წარმომადგენლობა დაარსდა.
3 დეკემბერს სტოკჰოლმში ქართული ბიბლიოთეკა გაიხსნა და „ქალთა საბჭოს“ წარმომადგენლობა დაარსდა. ამ თემაზე სასაუბროდ სტოკჰოლმში „ქალთა საბჭოს“ წარმომადგენლობის ხელმძღვანელს, ქეთევან ბაღათურიას დავუკავშირდით.
-„2016 წლის 3 დეკემბერი გახდა დღე, რომელიც დიდი ასოებით ჩაიწერება საქართველოს ისტორიაში. ქართველ და შვედ ქალთა ორგანიზაცია დეიზიმ დღევანდელ დღეს ოფიციალურად გახსნა ქართული ბიბლიოთეკა ქალაქ სტოკჰოლმში.
მოწვეულ სტუმრებს შორის იმყოფებოდნენ საქართველოს საგანგებო და სრულუფლებიანი ელჩი სტოკჰოლმში მალხაზ კაკაბაძე და საელჩოს სრული შემადგენლობა, ქართული ეკლესიის მოქმედი მამაო-მამა შიო. ჩართვები განხორციელდა საქართველოდან ,საიდანაც მონაწილეობა მიიღეს საქართველოს ქალთა საბჭოს თავჯდომარემ აკადემიკოსმა ქალბატონმა მზექალა შანიძემ, ქალთა საბჭოს აღმასრულებელმა დირექტორმა ქალბატონმა ქეთევან გაბრუაშვილმა, პარლამენტის ეროვნული ბიბლიოთეკის დირექტორმა ბატონმა გიორგი კეკელიძემ და ინტელიგენციის სხვა წარმომადგენლებმა. უღრმესი მადლობა მათ ამისთვის.
ჩამოსულ სტუმრებს წარმოადგენდნენ საქართველოს ქალთა საბჭოს წარმომადგენელი ქალაქ გოტებურგიდან ქალბატონი მაია როდონაია, უნიჭიერესი ახალგაზრდები, საქართველო-ნორვეგიის კავშირის თავჯდომარე ქალბატონი თამარ ლორია, წიგნის „ანბანეთის ამბების“ ავტორი ქალბატონი მარიამ ნოდია. მადლობთ მათ თანამშრომლობისა და ნდობისთვის.
ორგანიზაციის თითოეულ წევრს: ხათუნა კაკურიას
გალინა მამიევას, ხათუნა ხუჯაძეს, მანონი მელაძეს, ხათუნა მანაგაძეს, მზია ელიზბარაშვილს, მანანა დიდებაშვილს, ირმა კაიშაურს ვუხდით უზარმაზარ მადლობას. მინდა თქვენი საშუალებით კიდევ ერთხელ მივმართო მათ-მეამაყებით! თქვენი თანადგომის და დახმარების გარეშე ვერაფერს შევძლებდი. მადლობა ჩვენს უნიჭიერეს ახალგაზრდებს, ჩვენს ხელოვანს ანი ჭინჭარაულს, რომელმაც ასე გაალამაზა საღამო და ჩემს შვილებს – კაროლინსკა უნივერსიტეტის სტომატოლოგიის ფაკულტეტის სტუდენტს სალომე სვანიძეს და უფსალა უნივერსიტეტის იურიდიული ფაკულტეტის სტუდენტს თეონა სვაინიძეს.
ჩემი ცხოვრების უერთგულეს თანამგზავრს დავით სვანიძეს,რომელმაც საღამოს მთელი მსვლელობა გადაიღო. მადლობა ნიჭიერ ახლგაზრდა ფოტოგრაფს ნიკა ჩოკოშვილს ამ შესანიშნავი ფოტოებისთვის.
გულითადი მადლობა ყველას.
ეს დიდი ქართული საქმეა და ბედნიერი ვარ, რომ ერთი აგური მეც დავდევი საერთო საქმეში”.
უფრო ვრცლად ამ მართლაც კარგი ქართული საქმის შესახებ ყველა ინფორმაციის მიღებისთანავე მოგიყებით.