„არ გაიხაროს არცერთმა, ვინც ოდნავი წვლილი მაინც შეიტანა შენი თმების გათეთრებაში, პრეზიდენტო – წყეულიმც იყოს აწ და მარადის” – მაია ორჯონიკიძე სააკაშვილზე
პუბლიცისტი მაია ორჯონიკიძე ექსპრეზიდენტ მიხეილ სააკაშვილის შესახებ სოციალურ ქსელ „ფეისბუქში” პოსტს აქვეყნებს.
ორჯონიკიძე სააკაშვილს მიმართავს და ამბობს, „ცრემლები მახრჩობს და სირცხვილი მწვავს როცა ვაცნობიერებ, რომ ამ ბოროტების აღლუმის თანამედროვე ვარ”.
„არ გაიხაროს არცერთმა, ვინც ოდნავი წვლილი მაინც შეიტანა შენი თმების გათეთრებაში, პრეზიდენტო… არც გაიხარებს არასდროს, წყეულიმც იყოს აწ და მარადის!
თუ ჯოჯოხეთი არსებობს, ჩაიწვას იმ ჯოჯოხეთში!
ცრემლები მახრჩობს და სირცხვილი მწვავს როცა ვაცნობიერებ, რომ ამ ბოროტების აღლუმის თანამედროვე ვარ!!!
„სააკაშვილის თავისუფლება არ უნდა იყოს პრიორიტეტული საკითხი” ხომ?!! ვერ ხედავთ შუბლისძარღვგაწყვეტილებო ,რომ კაცი ნელი სიკვდილით კვდება, ვერ ხედააავთ?!!!
და ამის მთქმელს ვინც „აპრავებს” და არ იმჩნევს-ის მთქმელზე უარესია, რადგან ესაა საუკუნის დანაშაულში თანამონაწილეობა!!!“ – წერს მაია ორჯონიკიძე.
ცნობისთვის, 4 თებერვალს მიხეილ სააკაშვილის მორიგ სასამართლო სხდომა გაიმართა. პროცესზე მესამე პრეზიდენტმა განაცხადა – „თუ ხედავთ, ახალი შეკრეჭილი ვარ, გუშინწინ გამოვიძახე ციხეში სტილისტი. 5 კვირაა ნიუ იორკიდან არის ჩამოსული ჩემი პირადი ექიმი და არ უშვებენ ჩემთან. სტილისტი შემოუშვეს ერთ დღეში”.