„ყველაზე დიდი ინვესტიცია განათლებული ახალგაზრდობაა“
ლაგოდეხში მოსწავლე-ახალგაზრდობის სახლის მინი პროექტის ,,ყველაზე ჭკვიანი გუნდი” მორიგი ინტელექტუალური თამაში ჩატარდა. თამაშში ამჯერად მონაწილეობა მიიღეს აფენის N2, ნინიგორისა და თელის საჯარო სკოლების გუნდებმა.
ინტელექტუალურ თამაშს ესწრებოდნენ საკრებულოს თავმჯდომარე გოდერძი ბარბაქაძე, გამგეობის კულტურის სამსახურის წარმომადგენელი თამარ ღვინიაშვილი, საგანმანათლებლო რესურს ცენტრის წარმომადგენელი ხათუნა შუშტაკაშვილი, სკოლების დირექტორები, მასწავლებლები და მოსწავლეები.
გამარჯვებული თელის საჯარო სკოლის ინტელექტუალური გუნდი გახდა.
საკრებულოს თავმჯდომარემ ყველა მონაწილეს მიულოცა პროექტში თავის წარმოჩენა და შემდგომი წარმატებები უსურვა. გოდერძი ბარბაქაძის თქმით „ყველაზე დიდი ინვესტიცია განათლებული ახალგაზრდობაა“.