არესტოვიჩის თქმით, აზოვსტალში რუსეთის შტურმი მოიგერიეს
უკრაინის პრეზიდენტის მრჩეველი ოლექსი არესტოვიჩი ამბობს, რომ აზოვსტალის ქარხანაში უკრაინულმა ძალებმა რუსული ჯარები მოიგერიეს.
“შეიძლება ითქვას, რომ ბრძოლა გრძელდება. დანარჩენი ინფორმაცია მოწმდება”, – თქვა არსეტოვიჩმა.
გარდა ამისა, იგი ამბობს, რომ რუსეთთან მოლაპარაკებები გრძელდება.
უკრაინის ოფიციალური პირები ამბობენ, რომ აზოვსტალის ქარხანაზე, სადაც უკრაინელი მებრძოლები და სამოქალაქო პირები არიან გამაგრებულნი, შტურმი მთელი ღამის განმავლობაშ გრძელდებოდა.
