„ოცნება” ანტიდასავლურ ფრონტს აძლიერებს – ვინ შეურთდა „ხალხის ძალას”?
„ქართულმა ოცნებამ” პარლამენტში უმრავლესობა დაკარგა. ივანიშვილის პარტია კიდევ 5-მა წევრმა დატოვა, ესენი არიან: დავით კაჭარავა, ვიქტორ ჯაფარიძე, დაჩი ბერაია, ზაალ მიქელაძე და ეკა სეფაშვილი.
გარდა ამისა, მოძრაობაში ერთიანდებიან POSTV-ის წამყვანები და ექსპერტები.
„მთლიანობაში, ჩვენი მოძრაობა საქართველოს პარლამენტის 9 დეპუტატით იქნება წარმოდგენილი, რაც ნიშნავს რომ საკანონმდებლო ორგანოში ჩვენ გვეყოლება რიცხოვნობით მესამე პოლიტიკური ჯგუფი. გარდა ამისა, საზოგადოებრივ მოძრაობას შემოუერთდნენ საზოგადოებისთვის კარგად ნაცნობი ექსპერტები – თამთა მეგრელიშვილი, ზურაბ ქადაგიძე, დავით ქართველიშვილი, თამარ ჩიბურდანიძე, ნუკრი შოშიაშვილი, ოთარ ჭულუხაძე, ნიკა ქობულაძე და იოანე შაიშმელაშვილი” – განაცხადა სოზარ სუბარმა.
