დეპუტატმა ვიქტორ ჯაფარიძემ POSTV-ის 52%-იანი წილი იყიდა
დეპუტატმა, ვიქტორ ჯაფარიძემ, რომელიც „ოცნებიდან” განდგომილების მოძრაობა „ხალხის ძალას” შეუერთდა ტელეკომპანია „პოს ტვ”-ის 52%-იანი წილი იყიდა. ამის შესახებ მოძრაობა „ხალხის ძალის” ერთ–ერთმა დამფუძნებელმა, სოზარ სუბარმა გამართულ ბრიფინგზე განაცხადა.
„ჩვენი მოძრაობის წევრმა, ვიქტორ ჯაფარიძემ შეიძინა ტელევიზია „პოსტივის” წილების 52%, აღნიშნული გარემოება ხელს შეგვწყობს სათქმელი საზოგადოებამდე კიდევ უფრო ფართოდ მივიტანოთ” – განაცხადა სოზარ სუბარმა.