„ნაციონალური მოძრაობის” თავმჯდომარის არჩევნები დასრულდა
„ერთიანი ნაციონალური მოძრაობის” თავმჯდომარის არჩევნები დასრულდა. ამერიკულმა კომპანიამ შედეგების შეჯამება დაიწყო.
დილის 9 საათის მონაცემებით, არჩევნებში მონაწილეობა 41 100 ადამიანმა მიიღო.
ხმის მიცემის პროცესი 28 იანვარს 10:00 საათზე დაიწყო და დღეს 10:00 საათზე დასრულდა.
ცნობისთვის, პარტიის თავმჯდომარეობისთვის 4 კანდიდატი იბრძვის: ლევან ხაბეიშვილი, ნიკა მელია, გიორგი მუმლაძე და ნონა მამულაშვილი.