უკრაინა ესპანეთისგან საველე ჰოსპიტალს და სამხედრო აღჭურვილობას მიიღებს
ესპანეთი უკრაინას 20 ჯავშანტრანსპორტიორს, საველე ჰოსპიტალს და Leopard 2A4 ტიპის 4 ტანკს გადასცემს, – ამის შესახებ ინფორმაცია ქვეყნის თავდაცვის მინისტრმა, მარგარიტა რობლესმა გაავრცელა.
ესპანეთის თავდაცვის სამინისტროს პრესსამსახურის ცნობით, საველე ჰოსპიტალის გადაცემამდე უკრაინელი სამხედროები ესპანეთში შესაბამის მომზადებას გაივლიან.
” ჩვენი ვალდებულება, მხარი დავუჭიროთ უკრაინას სრული, სამართლიანი და ხანგრძლივი მშვიდობისკენ სწრაფვაში, მტკიცე დარჩება მანამ, სანამ ეს საჭირო იქნება”, – განაცხადა მარგარიტა რობლესმა
უკრაინისთვის განკუთვნილი ჯავშანტრანსპორტიორები პოლონეთში 19 ივნისს ჩავა.