უკრაინელმა სამხედროებმა სოფელი პიატიხატკი გაათავისუფლეს
სოციალურ ქსელში უკრაინელი დამცველების ვიდეო გამოჩნდა, რომლებმაც ზაპოროჟიეს ოლქის სოფელი პიატიხატკი გაათავისუფლეს.
„რაშისტები” გაიქცნენ, მიატოვეს ტექნიკა და საბრძოლო მასალა. დიდება უკრაინას!” – აცხადებს ერთ-ერთი მებრძოლი ვიდეოში.
ვიდეო უკრაინის შეიარაღებული ძალების სახმელეთო ჯარების „ტელეგრამის“ არხზე გამოქვეყნდა.
პიატიხატკის დასახლების გათავისუფლების შესახებ ინფორმაცია გუშინ გავრცელდა, დღეს კი უკრაინის თავდაცვის მინისტრის მოადგილემ, ანა მალიარმაც დაადასტურა.
