“სამნიძის აღიარებამდე ჩვენ არაერთხელ გვითქვამს, რომ ჩვენ ევროპულ ქვეყნებში გვხვდებოდა ინფორმაცია და კონკრეტული საკითხები პარტნიორების მხრიდან, თუ როგორ მავნებლურ კამპანიას ეწეოდნენ კონკრეტული ოპოზიციონერი დეპუტატები ჩვენი ქვეყნის საწინააღმდეგოდ” – ანრი ოხანაშვილი
სამნიძის აღიარებამდე არაერთხელ გვითქვამს, რომ ევროპულ ქვეყნებში გვხვდებოდა ინფორმაცია და კონკრეტული საკითხები პარტნიორების მხრიდან, თუ როგორ მავნებლურ კამპანიას ეწეოდნენ კონკრეტული ოპოზიციონერი დეპუტატები ჩვენი ქვეყნის საწინააღმდეგოდ, – ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა განაცხადა.
ის „რესპუბლიკური პარტიის“ თავმჯდომარის, ხათუნა სამნიძის განცხადებას გამოეხმაურა, რომელმაც თქვა, რომ ოპოზიციის რიგებში არიან ადამიანები, რომლებიც ევროპელ პარტნიორებთან დახურულ კარს მიღმა საუბრობენ იმაზე, რომ საქართველოსთვის ევროკავშირის წევრობის კანდიდატის სტატუსის მიღება უნდა გადავადდეს.
„ქალბატონ სამნიძის აღიარებამდე ჩვენ არაერთხელ გვითქვამს, რომ ჩვენ ევროპულ ქვეყნებში გვხვდებოდა ინფორმაცია და კონკრეტული საკითხები პარტნიორების მხრიდან, თუ როგორ მავნებლურ კამპანიას ეწეოდნენ კონკრეტული ოპოზიციონერი დეპუტატები ჩვენი ქვეყნის საწინააღმდეგოდ. ჩვენ ამას ბევრად ადრე ვამბობდით. კარგია, როდესაც ეს კიდევ ერთხელ აღიარებით სახეს იღებს კონკრეტული დეპუტატების მიერ“,- აღნიშნა ოხანაშვილმა.
