„რუსთავი2–ის იდეოლოგია ჩემთვის მიუღებელია, მაგრამ სჯობს რეალობას გავუსწოროთ თვალი, ყველაზე რეიტინგული არხია“
რუსთავი 2-ის მხარდამჭერ აქციაზე კომანტარისთვის „საქართველოს დემოგრაფიული საზოგადოება XXI“-ის დირექტორს “ ზვიად ტომარაძეს დავუკავშირდით.
-თქვენი აზრით, ბევრი ხალხია და ელოდით თუ არა, რომ ამდენი ხალხი გავიდოდა აქციაზე?
-კი, ბევრი ხალხია და მე პირადად ველოდი, რომ ბევრი ხალხი მივიდოდა, რადგან ხელისუფლებამ თავისი უუნარობითა და უმოქმედობით, რბილად რომ ვთქვათ, მოსახლეობას იმედები გაუცრუა.
– როგორ ფიქრობთ-რა არის იმის მიზეზი, რომ თუნდაც პოლიტიკოსები, რომლებიც გამალებით ლანძღავენ რუსთვი 2-ს, ჩუმად ყოველთვის უნდათ, რომ მათი გამოსვლების თუ აქციების დროს იყოს რუსთავი 2-ის კამერა და ცდილობენ თოქ-შოუებში მოხვედრას?
– რუსთავი2–ის იდეოლოგია ჩემთვის მიუღებელია, მაგრამ ფაქტია, რომ ყველაზე რეიტინგული არხია და მასთან მიახლოებასაც ვერ ახერხებენ სხვა არხები. აქედან გამომდინარე, პოლიტიკოსებისთვის პიარი ისეთივე აუცილებელია, როგორც თევზისთვის წყალი, შესაბამისად მათი მოქმედება ადვილად ასახსნელია.
-და საზოგადოების წარმომადგენლები? რომლებიც წერენ რომ რუსთაველზე საკმაოდ ცოტა ხალხია?
-მე არ ვიცი ვინ წერს მაგრამ, ჯობია რეალობას ყველამ გაუსწოროს თვალი, რაც არ უნდა მწარე სიმართლე იყოს, რადგან მეტოქის არასათანადო შეფასება ცუდად მთავრდება ყველგან, სპორტშიც და პოლიტიკაშიც.
