Skip to content
ნანახია: 46
დეკანოზ გიორგი მამალაძის ადვოკატები საპატრიარქოში იმყოფებიან , მათ მაღალი იერარქიის სასულიერო პირები შეხვდებიან, მამა მიქაელ ბოტკოველი ს განცხადებით შეხვედრას პატრიარქი არ დაესწრება. საპატრიარქოში იმყოფება მეუფე პეტრე ცაავა . მამა გიორგის სამივე ადვოკატი ორი დღის წინ დილით , იმყოფებოდნენ მის უწმინდესობასთან და მათ უწმინდესობა ჩააყენეს საქმის კურსში იმ საკითხებთან დაკავშირებით , რაც მამა გიორგის უკავშირდება . ასე , რომ აზრი იმის თაობაზე , რომ ჩვენ თავს ვიკავებთ დაცვის მხარესთან შეხვედრაზე , უსაფუძვლოა . ასეთი კომუნიკაცია არსებობდა და დღესაც ვაცხადებთ მზაობას , შევხვდეთ მამა გიორგის ადვოკატებს ”- განაცხადა მამა მიქაელმა . ადვოკატები კი ამბობენ, რომ ყველა დასმულ კითხვას გასცემენ პასუხს.
„ საპატრიარქოში სინოდის წევრებთან იქნება შეხვედრა . არ ვიცი დაესწრება თუ არა შეხვედრას პატრიარქი . ჩვენ ყველა დასმულ კითხვაზე გავცემთ პასუხს , თუმცა რა საკითხზე იქნება კონკრეტულად საუბარი ეს ჯერ არ ვიცით და უნდა მოვისმინოთ “, – განაცხადა ადვოკატმა მიხეილ რამიშვილმა . იმ დროს, როცა საპატრიარქოში ადვოკატები კითხვებზე პასუხებს სცემებ და ინფორმაციას აცნობენ, ე.წ. ციანიდის საქმე აქტიურად განიხილება პოლიტიკურ წრეში.,, ევროპული საქართველოს ” ერთ – ერთი ლიდერი სერგო რატიანი მთავარი პროკურორის პასუხისმგებლობის საქმეს აყენებს და ამბობს, რომ „ შოთაძემ მოატყუა საზოგადოება მან პასუხი უნდა აგოს თავის ქმედებებისთვის “ რატიანის თქმით, დეტალები უკვე მთელმა პოლიტიკურმა სპექტრმა იცის , საზოგადოებისთვის კი დაფარულია არის დაკავებულიდ ეკანოზის უფლებების დარღვევა . “ რაც შეეხება შემდგომ მოვლენებს , ჩვენ ვხედავთ , რომ ბრალდების მასალებს იცნობს უკვე ძალიან ფართო წრე ადამიანების , სამაგიეროდ საზოგადოებამ არ იცის . თუ მასალების გასაიდუმლოება არის საჭირო იმისთვის , რომ არ შეეშალოს ხელი გამოძიებას , მაშინ არ უნდა აჩვენებდნენ ამდენ ადამიანს ,“- აცხადებს რატიანი . უმცირესობის დეპუტატს არ ეთანხმება უმრავლესობის წარმომადგენელი ეკა ბესელია და აცხადებს, რომ ე . წ . ციანიდის საქმეში არსებული მტკიცებულებები არავის „ არავის არ გაუმჟღავნებია ჯერ მტკიცებულებები , საპატრიარქოში თუ ვინმე მიდის , საპატრიარქო არ არის დახურული ინსტიტუცია , სადაც ადამიანებს არ მიესვლებათ . ვისაც უნდა მიდის და საუბრობს იმ თემაზე რაზეც მათ სურთ და დიალოგი არაფერს არ აზიანებს , მაგრამ მთავარი არის ის , რომ გამოძიება რომელიც მთავარ პრკურატურას მიჰყავს , მას ჰქონდეს შესაძლებლობა ყოველგვარი ჩარევის გარეშე სიმართლე დადგინდეს . საქართველოს ხელისუფლება და საქართველოს საპატრიარქო ერთობლივად ყველაფერს გააკეთებს იმისთვის , რომ ამ საქმეზე დადგინდეს მართლაც სად არის ჭეშმარიტება და მართლაც რა არის რეალობა “- პასუხობს რატიანს ბესელია. ენმ-ს წევრი სალომე სამადაშვილი კი ვარაუდობს, რომ დაშვებული შეცდომების დაფარვის მიზნით, ხელისუფლება ცდილობს საქმე სწრაფად დახუროს და აცხადებს:
„ გასაგებია მცდელობა , რომ ეს საქმე ხელისუფლებამ რაც შეიძლება სწრაფად დახუროს იმიტომ , რომ როგორც ჩანს მართლა არის შეშფოთება , რომ პროკურატურამ არაერთი შეცდომა დაუშვა , მაგრამ რა თქმა უნდა ჩვენ ამის უფლებას არ მივცემთ არავის იმიტომ , რომ კანონის წინაშე ყველას აქვს ერთნაირი ვალდებულებები და ერთნაირი უფლებები “ ადვოკატები დამატებით კომენტარებს საპატრიარქოი შეხვედრის დასრულების შემდეგ გააკეთებენ.
ცნობისთვის, მთავარ პროკურატურაში აცხადებენ, რომ ე.წ ციანიდის საქმეზე იგეგმება ყველა იმ პირის დაკითხვა, რომელიც გამოძიებისთვის საინტერესოა.
