„პროცესები პოლიტიკურ მასკარადად თუ ცირკად გადააქცია რუსთავი 2-ის დირექციამ“
უზენაეს სასამართლო სამაუწყებლო კომპანია რუსთავი 2-ის საქმესთან დაკავშირებით 2 მარტს ზეპირი მოსმენის გარეშე, დახურულ ფორმატში იმსჯელებს. ტელეკომპანიასთან დაკავშირებულ მოვლენებს უმრავლესობის დეპუტატი გია ვოლსკი ეხმიანება და ამბობს, რომ რუსთავი 2-მა მხარდამჭერებთან ერთად ნებისმიერი ღია პროცესი „მასკარადად და ცირკად“ გადააქცია.
„ნებისმიერი პროცესი, ღია პროცესი, ტელევიზიაში გასული პროცესი, რაღაც პოლიტიკურ მასკარადად თუ ცირკად გადააქცია ამ რუსთავი 2-ის დირექციამ და მისმა მხარდამჭერებმა. შესაძლოა სასამართლომ აქედან გამომდინარე მიიღო ეს გადაწყვეტილება, რომ წყნარად, საქმის ობიექტური შეფასებისთვის იყოს დახურული. მთავარი არის ფაქტები და ამ ფაქტებს შეფასება უნდა მისცეს სასამართლომ, – განაცხადა ვოლსკიმ.
მისივე თქმით, სასამართლოზე ზეგავლენის მოხდენით მხოლოდ რუსთავი 2-ის ხელმძღვანელობაა დაინტერესებული.