ბადაშვილი მთავარი პროკურორის მოადგილის თანამდებობაზე დაინიშნა
ფინანსთა სამინისტროს საგამოძიებო სამსახურის ყოფილი უფროსი გიორგი ბადაშვილი საქართველოს მთავარი პროკურორის მოადგილის თანამდებობაზე დაინიშნა.
დანიშვნის ბრძანებას ხელი დღეს მოეწერა.
გიორგი ბადაშვილი 2015-დან 2017-მდე ფინანსთა სამინისტროს საგამოძიებო სამსახურს ხელმძღვანელობდა. ბადაშვილმა თანამდებობა რამდენიმე დღის წინ დატოვა.
საგამოძიებო უწყების ხელმძღვანელობამდე კი (2014 წლის 21 იანვრიდან – 2015 წლის 2 დეკემბრამდე), მას ქვეყნის მთავარი პროკურორის თანამდებობა ეკავა.