“ქართველთა მარში” მთლიანად კრემლის პროექტია და აშკარად პროვოკაციულ ხასიათს ატარებს”
დავით ნებიერიძე
საზოგადოება “ივერია”
-ყველასთვის ნათელია, რომ ეს “ქართველთა მარში” მთლიანად კრემლის პროექტია და აშკარად პროვოკაციულ ხასიათს ატარებს და მიმართულია საქართველოს იზოლაციისკენ, დისკრედიტაციისკენ, მაგრამ, ყველაზე მნიშვნელოვანი გარემო იმაში მდგომარეობს, რომ ეს სახიფათო პროვოკაცია დაგეგმილია თბილისსა და ბათუმში. რაც ძალიან დიდ რესურსებს მოითხოვს.
ცხადზე ცხადია, რომ ამ მარგინალურ და ბნელ ძალებს ამის თავი ნამდვილად არა აქვს. შესაბამისად ნათელი ხდება, რომ ხელისუფლების რესურსების გამოყენების გარეშე ამგვარი აქციის ჩატარება შეუძლებელია. ანუ, ცალსახად ვაცხადებ, რომ ეს საშიში პროვოკაცია თავად ხელისუფლების დაგეგმილია, მრავალი ბინძური ინტერესებიდან გამომდინარე. დიდი ალბათობით ეს პროვოკაცია სისხლითაც შეიძლება დასრულდეს.
