პატიმარი გარდაიცვალა-მოვუწოდებთ ხელისუფლებას გადახედოს კანონმდებლობას უვადო მსჯავრდებულებთან დაკავშირებით!

,,უფლებადამცველთა სახლი” განცხადებას ავრცელებს

დღეს 27.07.2017 წელს სასჯელაღსრულების N8 დაწესებულებაში გარდაიცვალა უვადოდ მსჯავრდებული ვ. ლ. დაბადებული 03.10.1958 წელს, რომელიც სასჯელს იხდიდა 21.04.2004 წლიდან სსკ-ის 109-ე მუხლით გათვალისწინებული დანაშაულისათვის.

რამდენადაც ჩვენთვის ცნობილია მას აწუხებდა გული, გადიოდა გეგმიური შემოწმების კურსს და შესაბამისად არის ეჭვი, რომ გარდაცვალების მიზეზიც ეს იყო. ზოგადად უვადოდ მსჯავრდებულთა თემა არის პრობლემატური საქართველოში მისი სასჯელის სახით შემოღების 01.01.1997 წლიდან.

 დღემდე არ არსებობს აღნიშნული სასჯელის აღსრულების და მისგან განთავისუფლების ეფექტური და რეალური მექანიზმი. უვადო პატიმრები 15-20 წელი იმყოფებიან დახურულ სივრცეში, 1 საათიანი გასეირნების პირობებში, რაც თავისთავშია უკვე წამებისა და არაადამიანური მოპყრობის დატვირთვის მქონე, რაც შესაბამისად აისახება მათ ჯანმრთელობასა და სიცოცხლეზე, როგორც ეს დღესაც დადასტურდა ვ. ლ. სიკვდილით, რომელიც უშუალოდ როლანდ ახალაიას პატიმარი იყო.

მოვუწოდებთ ხელისუფლებას გადახედოს კანონმდებლობას უვადო მსჯავრდებულებთან დაკავშირებით.