საქართველოს პრეზიდენტმა გიორგი მარგველაშვილმა ინიციატივით მიმართა ამერიკის ვიცეპრეზიდენტ მაიკ პენსს
საქართველოს პრეზიდენტმა გიორგი მარგველაშვილმა ინიციატივით მიმართა ამერიკის ვიცეპრეზიდენტ მაიკ პენსს
აშშ-ს ვიცეპრეზიდენტი მაიკ პენსი დაინტერესდა საქართველოს პრეზიდენტის ინიციატივით, რომელიც აშშ-ს პრეზიდენტის მიერ საქართველოს საკითხებში სპეციალური წარმომადგენლის დანიშვნას ითვალისწინებს.
გიორგი მარგველაშვილის განცხადებით, საქართველოს საკითხებში სპეციალური წარმომადგენლის დანიშვნა ხელს შეუწყობს საქართველოსა და აშშ-ს შორის თანამშრომლობისა და კონკრეტული ინიციატივების უფრო სწრაფ და ეფექტიან იმპლემენტაციას.
გიორგი მარგველაშვილმა და მაიკ პენსმა მრავალეროვან სწავლებაში მონაწილე სამხედროებთან შეხვედრამდე შერეულ საავიაციო ბაზაზე საქართველო-ამერიკის სტრატეგიული და სამხედრო თანამშრომლობის მნიშვნელობაზე, საქართველოს ოკუპირებულ რეგიონებში შექმნილ ვითარებაზე, უსაფრთხოების გარემოზე და საქართველოს დასავლურ ინტეგრაციაზე ისაუბრეს.
საქართველოს პრეზიდენტი გიორგი მარგველაშვილი და აშშ-ს ვიცეპრეზიდენტი მაიკ პენსი დღეს საქართველოს შერეულ საავიაციო ბაზაზე სამხედრო სწავლების “ღირსეული პარტნიორი 2017”-ის მონაწილე ქართველ და ამერიკელ სამხედროებს შეხვდნენ და სიტყვით მიმართეს
