შეიარაღებული ძალების წარმომადგენლები ბორჯომის ხეობას ეტაპობრივად დატოვებენ
შეიარაღებული ძალების წარმომადგენლები ბორჯომის ხეობას ეტაპობრივად, 2 დღის განმავლობაში დატოვებენ. ამის შესახებ თავდაცვის სამინისტროს პრეს-სამსახურში განაცხადეს. სამხედროებს თავდაცვის მინისტრი ლევან იზორია დაემშვიდობა და ამოცანის წარმატებით შესრულება მიულოცა.
ლევან იზორიამ სამხედროებს ასევე მადლობა გადაუხადა დაკისრებული ამოცანის წარმატებით შესრულებისთვის.
შეიარაღებული ძალების აღმოსავლეთ სარდლობის სამხედროები ბორჯომის ხეობას დღეს და ხვალ ეტაპობრივად დატოვებენ. 1200 სამხედრო მოსამსახურიდან ადგილზე მხოლოდ ერთი ასეული დარჩება, რომელიც ბორჯომის ხეობაში მიმდინარე პროცესებს მონიტორინგს გაუწევს.
