“მსოფლიოში ყოველ 7 წუთში ერთი ბავშვი ძალადობის მსხვერპლი ხდება”
„ მსოფლიოში ყოველ 7 წუთში ერთი ბავშვი ძალადობის მსხვერპლი ხდება“ – ამის შესახებ გაეროს ბავშვთა ფონდი UNICEP ავრცელებს ინფორმაციას. 2015 წელს ძალადობის შედეგად მთელი მსოფლიოს მასშტაბით 82 ათასი მოზარდი დაიღუპა. ყველაზე დაუცველი ახალგაზრდები 15-19 წლისანი არიან, ვიდრე 10-14 წლის ასაკის ბავშვები.
ორგანიზაციის კვლევებით მოზარდებში სიკვდილის მიზეზი უფრო ხშირად პერსონალური კონფლიქტებია და არა ჯგუფური თავდასხმა. გასულ წლებში ყოველი 3 მოზარდიდან ორი მკვლელობის მსხვერპლი გახდა, დანარჩენი კონფლიქტის მიზეზით დაიღუპა.
ასევე ვრცელდება ინფორმაცია, რომ გასული წლის განმავლობაში 15-19 წლის ასაკის 9 მილიონი გოგონა სექსუალური ძალადობის მსხვერპლი გახდა. 20 ქვეყანაში 10 გოგონადან 9 განაცხადა, რომ მასზე ძალა გამოიყენეს.