ისტორიული ფოტოს აქამდე უქნობი ისტორია – ძალა და იმედი ერთ სურათში

25 ნოემბერს, 5 საათზე ტექნიკური უნივერსიტეტის სააქტო დარბაზში (გიორგი სააკაძის ძეგლის წინ) რომან რურუას საიუბილეო საღამო გაიმართება.

ამ თარიღთან დაკავშირებით მასალების მოძიებისას ჩვენს არქივში ვნახეთ ისტორიული ფოტო, რომელიც დღეს უამრავ მასალას სდევს თან, თუმცა ცოტამ თუ იცის ამ ფოტოს ისტორია.

ძალა და იმედი ერთ სურათში 1968 წელი. მეხიკო (მექსიკა). ოლიმპიური თამაშების ბოლო დღე. ოლიმპიური თამაშების ბოლო ოქროს მედალზე რომან რურუა ელოდება გამოძახებას, დარჩენილია 15 წუთი. კლასიკური ჭიდაობის 8 მსოფლიო ჩემპიონიდან 7-მა დაამთავრა ასპარეზობა. არცერთი ოქროს მედალი. ასეთი რამ ისტორიას არ ახსოვს. აშკარად ჩანდა განწყობა, საბჭოთა გუნდი დაეტოვებინათ ოქროს მედლის გარეშე: რომან რურუა შეჯიბრის განმავლობაში 3-ჯერ გაისინჯა დოპინგზე. ქართველი ფალავანი მეხიკოს ოლიმპიური თამაშების ოქროს მედლის მფლობელი ხდება.