ხანძრის შედეგად არიან გარდაცვლილები და დაშავებულები
ბათუმში, სასტუმრო ლეოგრანდში გაჩენილი ხანძრის შედეგად გარდაცვლილი ადამიანების რიცხვი გაიზარდა. სასწრაფო დახმარების სამსახურის უფროსის მოადგილის ინფორმაციით, ხანძრის შედეგად სულ 4 ადამიანი გარდაიცვალა და დაშავებულია – 6. არსებული ინფორმაციით დაშავებულთა შორის ერთი მეხანძრეა.
ადგილობრივების თქმით, სასტუმროდან ადამიანების ევაკუაცია ამ დრომდე მიმდინარეობს.
სასტუმროში ხანძარი ჩამქრალია, თუმცა ჯერ კიდევ შეინიშნება ძლიერი დაკვამლიანება.
ხანძრის გაჩენის მიზეზები ამ დროისთვის დაუდგენელია.