საზღვრების დაცვა გააქტიურდება
საპარლამენტო უმრავლესობის წევრები შს მინისტრის განცხადებას, სპეცოპერაციის დროს ლიკვიდირებული და დაკავებული პირების საქართველოში შემოსვლასთან დაკავშირებით ეხმაურებიან. მინისტრის, გიორგი გახარიას თქმით, დაკავებული და ლიკვიდირებული პირები არალეგალური გზით შემოვიდნენ.
გიორგი გახარია ამბობს, რომ ამ დროისთვის ყველა დეტალი დგინდება და გამოძიება აქტიურ ფაზაშია.
საქართველოს პარლამენტის თავმჯდომარის მოადგილე, ფრაქცია ”ქართული ოცნების” წევრი, გიორგი ვოლსკი მინისტრის განცხადებას განმარტავს და აღნიშნავს, რომ საზღვრების დაცვა უფრო გააქტიურდება.
პარლამენტის იურიდიულ საკითხთა კომიტეტის თავმჯდომარე, ეკა ბესელია არ გამორიცხავს, რომ ვინმე ქვეყანაში არალეგალური გზით იყოს შემოსული.
