გუბაზ სანიკიძე შესაძლოა სომხეთის მთავრობის წევრი გახდეს
შესაძლოა გუბაზ სანიკიძეს სომხეთის ახალ ადმინისტრაციაში თანამდებობა შესთავაზონ. რეზონანსის ცნობით, ქართველ პოლიტიკოსს სომხეთის ახალარჩეულ პრემიერთან ნიკოლ ფაშინიანთან ახლო ურთიერთობები აკავშირებს.
თავად სანიკიძე ამ თემაზე საუბრისას აცხადებს, რომ ახლო მომავალში ერევანში ჩასვლას აპირებს.
სომხეთის პრემიერმინისტრად ნიკოლ ფაშინიანი 8 მაისს აირჩიეს. ფაშინიანის კანდიდატურას 59-მა დეპუტატმა დაუჭირა მხარი, 42 წინააღმდეგი იყო. მან მინისტრთა ახალი კაბინეტი 15 დღეში უნდა წარადგინოს.
