გივი თარგამაძე დაკითხვაზე 5 საათზეა დაბარებული

   გივი თარგამაძე შსს კრიმინალური პოლიციის მთავარ სამმართველოში დაკითხვაზე 17:00 საათზეა დაბარებული. პარტიის პრესცენტრში აცხადებენ, რომ თარგამაძე საგამოძიებო ორგანოში ე.წ. კანონიერი ქურდის დავით გერლიანის, იგივე “სვანის“  თემაზე დაბარებული.

თავად დეპუტატი კი სოციალურ ქსელში წერს:

-„ქვეყანაში შემოშვებული ქურდის ნაცვლად შსს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის სამმართველოში დაკითხვაზე მე დამიბარეს:)”

შეგახსენებთ, რომ დავით გერლიანის საქართველოში დაბრუნების შესახებ ინფორმაცია “ნაციონალური მოძრაობის” წევრმა გივი თარგამაძემ გაავრცელა. მისი ინფორმაციით, ქართველი კანონიერი ქურდის საქართველოში დეპორტაცია ოდესიდან მოხდა.