რატომ დაერქვა „ბახმარო“-ულამაზესი ბუნება და სამკურნალო ჰაერი

   მარიამ საჯაია

მარო თურქებმა მოიტაცეს და უკან ადევნებულ მდევარს ხანჯლით განგმირული დაუტოვეს, გვერდით ქვაზე კი, მისივე სისხლით დააწერეს: „ბახმარო“-სწორედ ამ ლეგენდის თანახმად დაერქვა ბახმაროს ეს სახელი,  ტერიტორია წარმოადგენს ერთგვარ ქვაბულს, რომელიც გარშემორტყმულია ნაძვისა და სოჭის მარადმწვანე ტყით.

როგორც სხვადასხვა წყაროდან ირკვევა ბახმაროს ჰაერის უნიკალური სამკურნალო თვისებები პირველად ამ მხარეში ზაფხულის საძოვრებზე ამოსულ მწყემსებს აღმოუჩენიათ XIX საუკუნის 80-იან წლებში, როცა ჭლექით დაავადებული ერთ-ერთი მათგანი აქაურ ჰავას სრულიად გამოუჯანმრთელებია. კურორტი ზღვის დონიდან 2050 მ-ზე მდებარეობს. აქ ყველაზე ახლოდან შეიძლება მზის დანახვა. მთის კურორტების მოყვარულთათვის ბახმარო უნიკალური ადგილია.  ულამაზესი ბუნება და ჰაერი ბახმაროს შეუდარებელს ხდის.

ბახმაროში ყოველწლიურად ფერიცვალობის დღესასწაულზე დოღი იმართება, ტრადიციას გასული საუკუნის 30-იან წლებში ჩაეყარა საფუძველი. მასში საქართველოს სხვა და სხვა რეგიონიდან: სამეგრელოდან, აჭარიდან და გურიის სხვა რაიონებიდან ჩასული ათეულობით მხედარი მონაწილეობს. სხვათაშორის თუ ცხენს იშოვნით, თქვენც არავინ გეტყვით უარს დოღში მონაწილეობაზე. ნამდვილად უნდა სცადოთ.