ქალებს საარჩევნო უფლება 1920 წლის 18 აგვისტოს მიენიჭათ
ქალებს არჩევნებში ხმის მიცემის უფლება 1920 წლის 18 აგვისტოს მიეციათ, მაშინ არავინ დაიჯერებდა, რომ ოდესმე ქალი არჩევნებზე არათუ ხმას მისცემდა, არამედ თავად გახდებოდა კანდიდატი.
ქალთა საარჩევნო უფლებები — ქალების უფლება მონაწილეობა მიიღონ არჩევნებში. იგი მოიცავს უფლებას აირჩიონ და არჩეულ იქნენ სხვადასხვა დონის არჩევით ორგანოებში. ქალთა საარჩევნო უფლებებისათვის აქტიური მოძრაობა იწყება XIX საუკუნისმეორე ნახევრიდან. ფემინისტი ქალბატონების შრომამ შედეგი გამოიღო. მათი აქტიური მოღვაწეობის ფონზე, 1869 წელს აშშ-ში შეიქმნა ახალი შტატი ვაიომინგი, რომელშიც ქალებმა პირველად აშშ-ში და საერთოდ მსოფლიოში მოიპოვეს ხმის უფლება.
ამერიკის შეერთებული შტატების კონსტიტუციის 1920 წლის XIX შესწორებამ ქალთა უფლებები სამუდამოდ დააკანონა. ქალებისათვის საარჩევნო უფლებების მინიჭების მიხედვით აშშ მე-17 ქვეყანა იყო. მსოფლიოში პირველად აღნიშნული უფლება დაკანონდა ახალ ზელანდიაში 1893 წელს. საარჩევნო უფლებები მოიპოვეს 1902 წელს – ავსტრალიელმა, 1906 წელს – ფინელმა,1913 წელს – ნორვეგიელმა, 1915 წელს – დანიელმა და ისლანდიელმა, 1917 წელს – რუსმა, 1918 წელს – ქართველმა დაკანადელმა, 1919 წელს – ავსტრიელმა, გერმანელმა, ჰოლანდიელმა, პოლონელმა, შვედმა, ლუქსემბურგელმა და ჩეხმა, 2005 წელსქუვეითელმა, 2006 წელს არაბეთის გაერთიანებული საამიროების და 2011 წელს საუდის არაბეთის ქალბატონებმა.