ქცევის კოდექსის განხილვა მომავალი კვირიდან დაიწყება

საქართველოს პრემიერის საგანგებო განცხადებას უმრავლესობის  ლიდერი, ზვიად კვაჭანტირაძე ეხმიანება და ამბობს, რომ უმრავლესობა ეთანხმება კვირიკაშვილის განცხადებას და მომავალი კვირიდან ქცევის კოდექსის განხილვა დაიწყება.

-„მივესალმები პრემიერის გადაწყვეტილებას. იგი აბსოლუტურად ეხმიანება უმრავლესობის პოზიციას. შემიძლია დაგიდასტუროთ, რომ საქართველოს პარლამენტში დარეგისტრირდა და უკვე მომავალი კვირიდან, აუცილებლად განვიხილავთ ქცევის კოდექსს. ყველა პოლიტიკური ძალა, რომელიც ჩართულია წინასაარჩევნო პროცესში, უნდა იყოს პასუხისმგებელი ამ პროცესის ხარისხზე” – განაცხადა კვაჭანტირაძემ.