მეორე ტური საბოლოო შედეგების გამოცხადებიდან ორი კვირის ვადაში ჩატარდება

„საკანონმდებლო თვალსაზრისით, როდესაც საუბარია მეორე ტურზე, ამას აქვს თავისი ვადები. მაქსიმალური 20-დღიანი ვადაა შეჯამებისთვის და შემდგომში, შეჯამებიდან ორი კვირის ვადაში კვირა დღეს ტარდება მეორე ტური“,- განაცხადა ცენტრალური საარჩევნო კომისიის თავმჯდომარემ.

ამ დროის მონაცემებით, 3705 საარჩევნო უბნიდან დათვლილია 3678+11 უბანი, რაც საერთო რაოდენობის 99.57 პროცენტია. ცესკოს წინასწარი მონაცემებით, სალომე ზურაბიშვილს 614 964 ხმა აქვს, რაც ხმათა 38.66 პროცენტს შეადგენს, ხოლო გრიგოლ ვაშაძეს 599 662 (37.7 პროცენტი).