2019 წლის „მასწავლებლის ეროვნული ჯილდოს“ გახსნითი ღონისძიება

სასტუმრო „ჰოლიდეი ინ“-ში, 2019 წლის „მასწავლებლის ეროვნული ჯილდოს“ გახსნითი ღონისძიება გაიმართა.

ღონისძიებაზე ორგანიზატორები ისაუბრებენ კამპანიის ეტაპებისა და იმ ძირითადი სიახლეების შესახებ რომელიც 2019 წელს კონკურსის ფარგლებში განხორციელდა.

შეხვედრის დასასრულს ლადო აფხაზავას მასწავლებლის გლობალური ჯილდოს ფინალში ყოფნასთან დაკავშირებით საზეიმო მიღება გაიმართება. ქართველ მასწავლებელს წარმატებას განათლების, მეცნიერების, კულტურისა და სპორტის მინისტრი, საქართველოს პარლამენტის განათლების, მეცნიერებისა და კულტურის კომიტეტის თავმჯდომარე, მასწავლებლის ეროვნული ჯილდოს ჟიურის წევრები და განათლების სფეროს წარმომადგენლები მიულოცავენ.

მასწავლებლის ეროვნული ჯილდო დაწესდა კოალიციის „განათლება ყველასათვის“ ინიციატივით, მასწავლებელთა პროფესიული განვითარების ეროვნულ ცენტრთან პარტნიორობით. „მასწავლებლის ეროვნული ჯილდოს“ გენერალური სპონსორია „გუდავაძე-პატარკაციშვილის“ ფონდი. მხარდამჭერები არიან საქართველოს განათლების, მეცნიერების, კულტურისა და სპორტის სამინისტრო, „ლიბერთი ბანკი“, ტელეკომპანია „იმედი“ და „საზოგადოებრივი მაუწყებელი“.

მასწავლებლის ეროვნული ჯილდოს კონკურსი პირველად 2017 წელს ჩატარდა, რითაც საფუძველი დაედო მასწავლებლის პროფესიის განვითარებისა და პოპულარიზაციის ყველაზე მასშტაბურ კამპანიას. მასწავლებელთა კორპუსის, განათლების სფეროს წარმომადგენლებისა და ზოგადად, საზოგადოების მხრიდან აღნიშნული პროექტი მიჩნეულ იქნა წარმატებულად და მოიპოვა პოზიტიური გამოხმაურება.