ოკუპირებული აფხაზეთის საპრეზიდენტო არჩევნებზე უბნები სტამბოლსა და მოსკოვშიც გაიხსნება
ოკუპირებული აფხაზეთის ცენტრალური საარჩევნო კომისიის პრეს-ცენტრის ხელმძღვანელი, ელენა ლაბახუა ამბობს, რომ საპრეზიდენტო არჩევნებზე საარჩევნო უბანი სტამბოლში გაიხსნება.
-საარჩევნო უბანი სტამბოლში ოფიციალურად გაიხსნა-განაცხადა ლაბახუამ, უფრო ადრე კი, თურქეთში აფხაზეთის სრულუქლებიანი წარმომადგენელი ვადიმ ხარაზია ამბობდა, რომ შესაძლებელი იყო თურქეთში საარჩევნო უბანი არ გახსნილიყო.
უკვე არსებული ინფორმაციით, ოკუპირებული აფხაზეთის დე-ფაქტო პრეზიდენტის არჩევნებისთვის საარჩევნო უბანი გაიხსნება მოსკოვშიც. ინფორმაციას რუსულ მედიასთან ადასტურებს ოკუპირებული აფხაზეთის საგანგებო და სრულუფლებიანი ელჩი რუსეთში იგორ ახბაც.