“ივანიშვილო, შენ სამშობლო არ გაგაჩნია, ჩვენ მოგიგებთ ამ ომს…”
თბილისის საქალაქო სასამართლოსთან მიმდინარე აქციაზე, აქციის მონაწილეებმა ქვეყანაში უკანონო და პოლიტიკური პატიმრების არსებობა გააპროტესტეს.
-მივმართავ ბიძინა ივანიშვილს და მის ბიუჯეტის ვირთხებს:
ივანიშვილო, ჩვენ აუცილებლად, გარდაუვლად მოგიგებთ ამ ომს და იცით რატომ? იმიტომ, რომ დამარცხების შემთხვევაში ჩვენ დავკარგავთ სამშობლოს და ქართულ სახელმწიფოს. შენ კი დაკარგავ მხოლოდ ფულს და ქონებას. იმიტომ, რომ შენ სამშობლო არ გაგაჩნია, ისევე როგორც ყველა შენს მედროვე მხარდამჭერს. არა თანაზომადი ფასეულობებია. ზუსტად ამიტომ არ გესმის თუ რატომ გებრძვით ასეთი გააფთრებითა და თავგანწირვით-განაცხადა ჟურნალისტებთან საუბარში საზოგადოება “ივერიას” წევრმა დავით ნებიერიძემ.
